Suzuki Vitara er með rúmbetri sportjeppum í sínum stærðarflokki. Innanrýmið býður upp á þægindi fyrir ökumann og farþega og um leið hlýlegar vistarverur. Hágljáandi fletir í mælaborði gefa innanrýminu fágað yfirbragð og hægt er að panta bílinn með litaflötum í innréttingunni sem eru samlitir yfirbyggingunni.
Vitara er gerður fyrir fimm manns og farangur þeirra. Gott pláss er í aftursætum fyrir þrjá fullorðna og aðgengi að farþegarýminu er einstaklega þægilegt. Sérstaka athygli vekur gott höfuðrými jafnt í fram- og aftursætum. Sætin eru þægileg og styðja vel við líkama ökumanns og farþega. Farangursrýmið er 375 lítrar og er stillanlegt eftir þörfum. Þegar þörf er á enn meira flutningsrými er farangursrýmið stækkanlegt með því að fella niður sætisbök aftursætanna að hluta til að að öllu leyti með einfaldri aðgerð.
Víða í innanrýminu er að finna hentugar hirslur fyrir ýmsa smáhluti sem fylgja með á ferðalaginu. Það er auðvelt að ganga að öllu vísu á ferðalögunum í nýjum Vitara.
Nýr Vitara er hlaðinn tæknibúnaði. Fyrir miðju mælaborðs er hágæða, sjö tommu snertiskjár með AppleCarplay og Android Auto snjallsímatengingu. Þá er Vitara auk þess fáanlegur með leiðsögukerfi, aksturskerfi og öflugu hljómkerfi með stafrænu útvarpi.